کالی کٹ جامعہ مرکز الثقافۃ میں 77 ویں یوم جمہوریہ تقریب سے شیخ ابوبکر احمد کا خطاب
کالی کٹ (عبدالکریم امجدی )
جمہوریت صرف ایک نظام حکومت نہیں بلکہ ایک طرز زندگی ہے جو مساوات، انصاف، اور آزادی پر مبنی ہے ، جمہوریت کو آئین کے مطابق چلانا اور اس کے اصولوں کا احترام کرنا سب سے اولین پاسداری ہے۔جمہوریت کی پاسداری کے لیے فرقہ پرستی،تخریبی سیاست کاخاتمہ اور سیاسی استحکام ضروری ہے۔اس کی پاسداری ہر شہری کی مشترکہ ذمہ داری ہے، جو ملک کی ترقی اور آزادی کو مستحکم کرتی ہے ۔مذکورہ خیالات کا ظہار کالی کٹ مرکز کیمپس میں منعقدہ 77 ویں یوم جمہوریہ تقریب پر پرچم کشائی کے بعد اپنے پیغام میں شیخ ابوبکر احمد نے کہاکہ ہمارا ملک ایک مضبوط آئین اور عظیم جمہوریت کا حامل ہے ۔ ہر شہری کیلئے ضروری ہے آئین اور جمہوریت کے تحفظ میں مدد کرے ،قومی اتحاد ،گناجمنی تہذیب کو فروغ دے ۔انہوں نے کہاکہ ہر شہری کو ان کو بنیادی حقوق فراہم کیا جائے ،ذات پات ،نسل برادری کے امتیازی فرق کو ختم کرکے آئین کے مطابق انکے حقوق فراہم کئے جائیں ۔یہی ہمارے ملک کی پہچان اور خوبصورتی ہے ۔77 ویں یوم جمہوریہ تقریب میں مرکز کے مختلف شعبہ جات میں رنگا رنگ ،ثقافتی پروگرام ،تعلیمی مکالمہ ،کھیل کو،انعامی کوئز ،مقالہ نگاری جیسے کئی اہم پروگرامس شامل رہے ۔
مرکز ہیڈ کواٹر میں شیخ ابوبکر احمد نے قومی پرچم لہراتے ہوئے اہل وطن کو مبارکباد پیش کی ۔جوکہ ملک کی آئینی اقدار کے تئیں ادارے کی مستقل وابستگی کی علامت ہے۔ اس تقریب میں ایمریٹس ہوم فار کشمیری اسٹوڈنٹس، ریحان ویلی یتیم خانہ، اور اکیڈمی آف قرآن اسٹڈیز کے سینکڑوں طلباء نے بڑھ چڑھ کر حصہ لیا، جو تنوع میں اتحاد اور مشترکہ قومی فخر کی عکاسی کرتے ہیں۔اورمرکز بوائز اسکول کے اسٹوڈنٹ پولیس کیڈٹس (ایس پی سی) نے قومی پرچم کو رسمی سلامی پیش کی، جس سے تقریب کے وقار میں چار چاند لگ گیا ۔کشمیری طلبہ نے خوبصورت انداز میں قومی ترانہ پیش کیا ۔اس موقع پر اراکین اداراہ سمیت کثیر تعداد میں طلبہ شریک رہے۔
Leave a Reply